سلام
مشاكل الناس مع العسكر ورؤية الناس عنهم
90 بالمئه من الشباب يقولو هدو ناس همج ومتخالفين وتعاملهم سيء وناس تقول ماعندهم شغل الا القسايم
وناس اول ماتشوفهم مسويين نقطه تزعل وتدعي وكان العسكري جاء من بيته وسواها ياناس هدا عملهم
وقليل من الناس تعرف ايش قاعدين يسوو وايش حجم التضحيات اللي يقدموها
لانه احنا راقدين وهما انواع الشغل
انا ماكتبت الموضوع ادافع عنهم انا شايف الشغله هادي من الشباب اللي اعرفهم وبعض اقاربي
اللي شغالين في الداخليه والجيش يحكولي اللي يصير معاهم وبصراحه قليل ادا قلت بطولات
فيه ناس يمكن تقول انا مكبر الموضوع لاكن لو لك اخ اوقريب في هدا السلك
وتشوف كيف دواماتهم
وكيف الناس تعاملهم للاسف
وغير الاستلام 24 ساعه
وغير المرابطه في الححج وفي اي مناسبه
وحتى ايام المباريات انت تتفرج وهوه مرابط عشان المباراه
غيرانه رواتبهم ضعيفه
ومسؤليهم مع احترامي الله بالخير الا ماندر
يعني ايش اقول ويش اخلي
لاكن اهم شي انو احنا نقدرهم حتى لوغلطو
حتى لوكلمنا من غير نفس نعدور لانه تلا قيه طول اليوم مداوم اكيد اخلاقه طالعه
ومافي مانع نقدمهم على انفسنا في اي مكان في السرى في بنك او مطعم او اي مكان كنوع من التقدير
واخيرا الله لايقدر تخيل انه لك قريب قتلوه ارهابي
مع الشكر